Logotipo Mancomunidade de Ordes
Idioma: Galego                 Contacto  |   Enderezos e teléfonos de interese  |   Sala de prensa
          
NovasAxendaTurismo (que visitar)AloxamentosRestaurantes e GastronomíaServizos Mancomunados

Servizo de Normalización Lingüística

Obradoiro de lingua galega (xincana lingüística)

O SNL da Mancomunidade de Ordes vai impartir un obradoiro de lingua galega para nenos e nenas, mediante a interacción con eles e elas a través dunha actividade tipo xincana lingüística, de xeito lúdico e educativo, que consta de tres partes:

- Carreira de obstáculos (na que obterán sílabas para formar palabras que lles axuden na busca do tesouro)

- Busca do tesouro (onde terán que resolver xeroglíficos, adiviñas, crebacabezas…)

- Xogos populares (como o pano, pés quedos…)

OBXECTIVOS

- Estimular nas xeracións máis novas actitudes favorables que se traduzan nun uso xeneralizado do galego

- Favorecer o uso da lingua galega nas actividades lúdicas

- Ampliar as habilidades de comunicación oral en lingua galega

- Relacionar  a práctica do deporte co uso do galego

- Ampliar vocabulario relacionado co deporte

POBOACIÓN DESTINATARIA

Nenos e nenas dos primeiros cursos de primaria (de 6 a 12 anos)

PERIODIZACIÓN

Xullo-agosto 2018

 

Resultados provisionais das probas para a obtención dos certificados de lingua galega niveis Celga 2 (xuño 2018)

O prazo de reclamacións remata o 23 de xullo e poderán presentarse mediante un escrito dirixido á Secretaría Xeral de Política Lingüística ou ao enderezo de correo electrónico sxpl.probascelga@xunta.gal.

http://www.lingua.gal/a-secretaria-xeral/convocatorias/_/Formacion/convocatoria_0256/resultados-provisionais-das-probas-celga-1-2-3-4-maio-xuno-2018

 

Resultados provisionais das probas para a obtención dos certificados de lingua galega niveis Celga 1, 3 e 4 (maio/xuño 2018)

O prazo de reclamacións remata o 19 de xullo e poderán presentarse mediante un escrito dirixido á Secretaría Xeral de Política Lingüística ou ao enderezo de correo electrónico sxpl.probascelga@xunta.gal.

http://www.lingua.gal/a-secretaria-xeral/convocatorias/_/Formacion/convocatoria_0256/resultados-provisionais-das-probas-celga-1-3-4-maio-xuno-2018

 

Convocatoria de probas para a obtención dos certificados de lingua galega, niveis Celga 1, 2, 3 e 4 (2018)

RESOLUCIÓN do 6 de marzo de 2018, da Secretaría Xeral de Política Lingüística, pola que se convocan as probas para a obtención dos certificados de lingua galega, niveis Celga 1, 2, 3 e 4, no ano 2018

Prazo para a presentación das solicitudes: ata o 13 de abril de 2018.

Modelo de solicitude

Modelo de autoliquidación de taxas

 

O Servizo de Normalización Lingüística (SNL) da Mancomunidade de Ordes organiza a actividade ‘Rosalía verso a verso’, unha acción colectiva a través da rede social Facebook para celebrar conxuntamente o Día de Rosalía, 24 de febreiro (no que se conmemora o seu nacemento), e o Día das Letras Galegas, 17 de maio.

O obxectivo fundamental é dar a coñecer a obra de Rosalía arredor desas datas tan significativas, para o cal creamos un evento en Facebook onde o alumnado de Primaria e Secundaria dos centros educativos da comarca (concellos de Cerceda, Frades, Mesía, Ordes, Tordoia e Trazo) poida compartir versos da escritora (un audio ou vídeo no que aparezan recitando). Será premiado o centro con máis participantes no evento, ademais de facerse un sorteo entre o alumnado participante (ben individualmente ou en grupo). Os premios (lotes sorpresa para os que contamos coa colaboración da SXPL da Xunta de Galicia) daranse a coñecer en canto finalice o concurso. Pretendemos, asemade, estimular nas xeracións máis novas actitudes favorables que se traduzan nun uso xeneralizado do galego.

O SNL da Mancomunidade de Ordes vai contactar cos ENDL dos centros educativos solicitándolles a súa colaboración para a difusión e a participación do alumnado na iniciativa.

Os audios e/ou vídeos deberán ser colgados no evento do Facebook creado para a ocasión (Rosalía verso a verso), indicando o centro educativo e o curso ao que pertence o alumnado participante, desde o 24 de febreiro, Día de Rosalía, ata o 17 de maio, Día das Letras Galegas.

 

Convocatoria de cursos de lingua galega preparatorios das probas para a obtención dos Celga 2018

https://www.xunta.gal/dog/Publicados/2018/20180206/AnuncioG0164-290118-0002_gl.html

O prazo para a presentación das solicitudes é de 20 días naturais (ata o 26 de febreiro de 2018).

Como novidade, este ano tamén haberá cursos de teleformación para preparar o Celga 4.

Ademais, o SNL da Mancomunidade organizará e impartirá un curso de 40 horas de preparación do Celga 2, que terá lugar desde mediados de marzo ata finais de maio, en dúas sesións de mañá á semana, os luns e os xoves de 10:00 a 12:30 horas. O prazo para inscribirse remata o 15 de marzo.

 

Convocatorias de cursos de linguaxe administrativa, xurídica e Celga 2018

Convocatoria de cursos de linguaxe administrativa e xurídica dirixidos a persoal da Administración autonómica, das entidades locais, das universidades e da Administración de xustiza en Galicia. Prazo: 8 días naturais a partir do 3 de xaneiro. Máis info:https://www.xunta.gal/dog/Publicados/2018/20180102/AnuncioO150-221217-0002_gl.html

Convocatoria de cursos de linguaxe xurídica dirixidos a persoal da Administración de xustiza que presta servizos fóra da Comunidade Autónoma de Galicia. Prazo para presentar solicitudes: 8 días naturais a partir do 3 de xaneiro. Máis info: https://www.xunta.gal/dog/Publicados/2018/20180102/AnuncioO150-221217-0001_gl.html

Prazo de matrícula para cursos de linguaxe administrativa e Celga que se desenvolverán nas escolas oficiais de idiomas durante o segundo cuadrimestre deste curso escolar: do 2 ao 11 de xaneiro de 2018. Máis información: https://www.xunta.gal/dog/Publicados/2017/20170817/AnuncioG0164-040817-0004_gl.html

 

Desde o 2 de xaneiro de 2014, a Mancomunidade de Ordes conta novamente co Servizo de Normalización Lingüística, ao abeiro da convocatoria da Deputación da Coruña do programa de subvencións a concellos e outras entidades locais da provincia da Coruña para creación ou mantemento dos servizos lingüísticos durante o ano 2014, ademais da subvención concedida por parte da Secretaría Xeral de Política Lingüística da Xunta de Galicia segundo a resolución do 7 de xullo de 2014 ao abeiro da convocatoria regulada na orde do 4 de abril de 2014. A súa finalidade fundamental é fomentar o uso e o prestixio da nosa lingua mediante accións que garantan a normalización da lingua galega en todos os ámbitos dos concellos pertencentes á Mancomunidade de Ordes, no conxunto da sociedade en xeral e no ámbito administrativo en particular.

O obxectivo principal do Servizo é, xa que logo, incrementar o uso e o prestixio da nosa lingua en todos os ámbitos.  As súas funcións están centradas en varios planos diferentes (dinamización e formación sociolingüística e asesoramento lingüístico) e entre elas está a de normalizar e mellorar a imaxe e a calidade lingüística e comunicativa da Administración.

En principio, o programa do SNL estará dirixido basicamente á corrección e actualización da páxina web da Mancomunidade, á organización e impartición de cursos de lingua galega, así como tamén obradoiros de iniciación á lingua e á literatura galegas para nenos e nenas e outras campañas de dinamización social da lingua galega.

 

Desde o 17 de xuño de 2013, a Mancomunidade de Ordes conta cun Servizo de Normalización Lingüística grazas á subvención concedida pola Xunta de Galicia ao abeiro da Orde do 5 de febreiro de 2013, da Secretaría Xeral de Política Lingüística da Xunta de Galicia, pola que se establecen as bases para a concesión de subvencións ás entidades locais de Galicia para a promoción do uso da lingua galega, e se procede á súa convocatoria.

Polo tanto, o SNL da Mancomunidade de Ordes está á disposición de todos os concellos integrantes dela co obxectivo principal de incrementar o uso e o prestixio da nosa lingua en todos os ámbitos. 

As súas funcións están centradas en varios planos diferentes:

Funcións xerais:

Asesorar á Administración en todo o relacionado coa política lingüística.

Facer un seguimento do cumprimento da lexislación en materia lingüística por parte da institución e, polo tanto, velar para que se lle garantan os dereitos lingüísticos á cidadanía.

Colaborar coa Administración para determinar os perfís lingüísticos necesarios en cada un dos postos de traballo e colaborar nas probas e procesos selectivos para que se avalíen convenientemente os coñecementos lingüísticos por parte dos e das aspirantes.

Funcións de dinamización lingüística:

Planificar, xestionar, executar e avaliar accións a prol da lingua galega seguindo as directrices de política lingüística do organismo.

Fomentar o uso do galego no ámbito socioeconómico e, en xeral, en todos os sectores de importancia para a súa repercusión social.

Propoñer programas dinamizadores e actividades concretas que conciencien á sociedade respecto ao uso da lingua galega.

Propiciar e xestionar liñas de información e axuda dirixidas á rede asociativa, empresarial e educativa para fomentar o uso do galego.

Funcións de formación sociolingüística:

Planificar, xestionar, coordinar e difundir a realización de cursos de lingua galega, xerais e específicos.

Difundir materiais que contribúan á tarefa normalizadora: dereitos lingüísticos, lexislación, recursos lingüísticos etc.

Colaborar no deseño de programas de formación non lingüística para garantir a presenza do galego e de contidos favorables á mellora de actitudes lingüísticas.

Funcións de asesoramento lingüístico:

Mellorar a calidade lingüística e comunicativa da Administración.

Normalizar a imaxe lingüística e fixar criterios lingüísticos para a organización.

Resolver dúbidas lingüísticas.

 

Ligazóns de interese relacionadas coa lingua e coa normalización

Institucións:

Secretaría Xeral de Política Lingüística
Unidade Técnica de Normalización Lingüística da Deputación
Real Academia Galega
Centro de Documentación Sociolingüística de Galicia do Consello da Cultura Galega
Instituto da Lingua Galega

Organizacións e asociacións:
Coordinadora de Traballadores/as de Normalización da Lingua
A Mesa pola Normalización Lingüística
 

Dicionarios e vocabularios:
Vocabulario ortográfico da lingua galega
Dicionario da Real Academia Galega (adaptado á normativa 2003)
Dicionario de galego de Ir Indo (adaptado á normativa 2003)
Buscatermos
Portal das palabras
- Tergal

Correctores e tradutores automáticos:

Corrector Imaxin Galgo 2.0
Corrector para o Word de Windows
Corrector en liña Ortogal
Tradutor automático Es>GL da Xunta de Galicia
Tradutor Apertium

Lexislación lingüística:
Compilación de lexislación da lingua galega na páxina da Secretaría Xeral de Política Lingüística

Toponimia:

-Nomenclátor
-Nomenclátor de Ordes
-Nomenclátor de Frades
-Nomenclátor de Oroso
-Nomenclátor de Trazo
-Nomenclátor de Tordoia
-Nomenclátor de Cerceda
-Nomenclátor de Mesía

 

Para calquera aclaración, dúbida ou suxestión ponte en contacto con:

Irene Bravo Pérez
Servizo de Normalización Lingüística
Mancomunidade de Ordes
R) L. Xoxardo, S/N
15680 Ordes
Teléfono 981 680 002 (ext. 120)
Correo electrónico irene.bravo@mancomunidadeordes.gal