981 699 035 / 609 832 010  |    info@casarosinda.com  |  

Modélica casa rural próxima ao paraíso de Chaián. Unha antiga casa de labranza que conserva  o seu hórreo como símbolo e todo un contorno pétreo magnífico. A súa edificación orixinaria data de principios do século XX e corresponde a unha tipoloxía de arquitectura tradicional.

Cuns acolledores cuartos onde aloxarse e uns agradables salóns para relaxarse, Casa Rosinda funciona ademais como restaurante, onde se poden degustar exquisitos produtos relacionados co campo. Hai que probar aquí unha das súas especialidades, a costeleta de boi, para obter así unha boa mostra da gastronomía do municipio.

Casa Rosinda, como diciamos, para descansar, e o seu contorno para desfrutalo. Porque  o contorno é a área de recreo mellor dotada de todo o curso do Tambre a unha e á outra beira. E isto demóstrano o gran número de excursionistas que, cando é verán, deixan a praza do Obradoiro para ir comer a Chaián ou simplemente a refrescarse.

FOTOS DO ALOXAMENTO