Logotipo Mancomunidade de Ordes
Idioma: Galego                 Contacto  |   Enderezos e teléfonos de interese  |   Sala de prensa
          
Servizos MancomunadosNovasAxendaTurismo (que visitar)AloxamentosRestaurantes e Gastronomía Sede Electrónica
Algo máis de 150 persoas participaron na festa do Día do/a Neno/a de Frades, con inchables, tren turístico, xogos e música en vivo
29/07/2020 (Frades)

29 de xullo de 2020- Algo máis de 150 persoas asistiron esta fin de semana á piscina municipal de Frades para participar na celebración da décimo segunda edición do Día do/a Neno/a. Unha celebración marcada este ano polas medidas de prevención fronte á Covid-19 e que motivou unha importante baixada no número de asistentes, moi lonxe da media de 700 persoas dos últimos anos e incluso por debaixo do límite de participación marcado para o evento.
 
Aínda así, a oferta do Concello de Frades mantívose con respecto a edicións anteriores: inchable acuático, tren turístico e dous dos xogos máis populares: a pesca de patiños e a táboa de surf. Iso si, aumentando a distancia entre os xogos, incrementando as medidas de desinfección e facendo que todas as persoas asistentes levaran a correspondente máscara de protección. 
 
Antes da merenda, crianzas e persoas adultas asistiron ao espectáculo musical “Brinca Vai” do músico Paco Nogueiras. Unha actuación compartida por toda a familia, especialmente polos nenos e nenas, que non deixaron de cantar os temas de Nogueira, baseados na nosa terra.


Anterior Siguiente
Novas de..
Mancomunidade de Ordes
Cerceda
Frades
Mesía
Ordes
Oroso
Tordoia
Trazo