Logotipo Mancomunidade de Ordes
Idioma: Galego                 Contacto  |   Enderezos e teléfonos de interese  |   Sala de prensa
          
Servizos MancomunadosNovasAxendaTurismo (que visitar)AloxamentosRestaurantes e Gastronomía Sede Electrónica
O Concello de Frades traslada o concurso de disfraces de Entroido ás vivendas das persoas empadroadas ou residentes no municipio
02/02/2021 (Frades)

Para participar no “Entroido na casiña” só hai que anotarse e enviar unha foto do disfrace antes do 18 de febreiro

2 de febreiro de 2021.- Ante a imposibilidade de organizar este ano o tradicional concurso de disfraces, o Concello de Frades decidiu trasladalo ás vivendas particulares e restrinxir a participación a persoas empadroadas ou residentes no municipio. Para poder participar no “Entroido na casiña” será preciso encher unha ficha de inscrición (que se pode descargar na web municipal: www.frades.gal) e enviar unha fotografía da persoa co disfrace a biblioteca.municipal@frades.gal antes das 14:00 horas do 18 de febreiro.

 

“Entroido na casiña” repartirá 435 euros en premios, distribuídos en tres categorías: individual infantil, individual adulto e grupo. Nas categorías individuais haberá dous premios de 60 e 30 euros, respectivamente. As persoas de ata 14 anos tomarán parte na categoría infantil, mentres que as de 15 ou máis anos farán o propio na de persoas adultas. Na categoría grupo poderán participar dous ou máis compoñentes da mesma unidade familiar, que se repartirán tres premios de 150, 75 e 30 euros.

 


Anterior Siguiente
Novas de..
Mancomunidade de Ordes
Cerceda
Frades
Mesía
Ordes
Oroso
Tordoia
Trazo